Margir stuðningsmenn Arsenal voru spenntir fyrir þetta tímabil eftir komu Unai Emery.

Emery tók við Arsenal af Arsene Wenger en sá síðarnefndi var við stjórnvölin frá árinu 1996.

Það helsta sem þarf að laga hjá Arsenal er vörnin en liðið hefur fengið ansi mörg mörk á sig síðustu ár.

Undir Wenger á síðustu leiktíð fékk liðið á sig 1,3 mörk að meðaltali í leik sem þykir ekki ásættanlegt.

Það hefur þó versnað undir stjórn Emery og fær Arsenal 1,5 mörk á sig að meðaltali á þessu tímabili í deildinni.

Arsenal hefur fengið á sig 32 mörk í 22 leikjum og er það mun meira en flest stórlið deildarinnar.

Liverpool er með bestu vörn deildarinnar þessa stundina og hefur aðeins fengið á sig 10 mörk.