Barcelona á Spáni hefur mikinn áhuga á að fá framherjann Christian Stuani í janúarglugganum.
Spænskir miðlar greina frá þessu en Barcelona vill fá mann til að veita Luis Suarez samkeppni í fremstu víglínu.
Stuani hefur verið frábær undanfarið ár en hann hefur gert 33 deildarmörk í 50 leikjum fyrir Girona.
Þessi 32 ára gamli leikmaður kom til Girona frá Middlesbrough árið 2017 þar sem hann gat lítið.
Stuani tókst aðeins að skora 11 deildarmörk fyrir Boro á tveimur árum en er nú að sanna sig rækilega á Spáni.