Paul Pogba, miðjumaður Manchester United hefur sprungið út eftir að Jose Mourinho var rekinn og Ole Gunnar Solskjær tók við sem stjóri liðsins.
Solskjær hefur unnið fyrstu sex leikina sína í starfi og hefur fengið sóknarmenn félagsins til að blómstra. Pogba lagði upp mark United í 0-1 sigri á Tottenham í gær.
,,Ég nýt þess að spila fótbolta, það var erfitt í hinu kerfinu sem við vorum að spila. Ég vil sækja meira, ég held að ég sé í réttri stöðu, þar sem mér líður best,“ sagði Pogba.
,,Solskjær hefur sagt mér að fara meira inn í teiginn, til að skora. Gera eins og Frank Lampard, sem tók hlaupin inn í teig og skoraði mikið. Ég vil gera meira af því.“
,,Það hjálpar að vita að Matic situr eftir og verður þarna ef við förum hátt upp á völlinn, ég hef gert það eftir að Solskjær kom inn. Ég veit að ég hef öryggið fyrir aftan og er frjáls.“
,,Við viljum ná Meistaradeildarsæti, við verðum að halda áfram. Við eigum heima á toppnum og viljum komast nær honum.“
