Svo virðist vera að ítölsk félög horfi í miklum mæli til Breiðabliks þessa stundina þegar þeir skoða leikmenn til að krækja.
Spezia keypti Svein Aron Guðjohnsen frá félaginu síðasta sumar og síðan þá hefur félagið fylgst með fleiri íslenskum leikmönnum.
Spezia hafði gert tilboð í Willum Þór Willumsson leikmann félagsins seint á síðasta ári, því var hafnað. Ekki hafa fleiri tilboð borist á borð Breiðabliks samkvæmt Eysteini Pétri Lárussyni, framkvæmdarstjóra félagsins.
Þá er Andri Fannar Baldursson leikmaður Blika eftirsóttur biti en hann fór til reynslu hjá Bologna á dögunum og gek með ágætum.
Andri er mikið efni en hann er fæddur árið 2002 og er því aðeins 17 ára gamall.
Andri Fannar spilaði sinn fyrsta leik í Pepsi deildinni í fyrra þegar hann kom innvá í 4-0 sigri gegn KA.
SPAL á Ítalíu hefur einnig haft áhuga á Andra Fannari en samkvæmt Eysteini hafa viðræður átt sér stað en ekkert formlega.