Mauro Icardi, leikmaður Inter Milan, er sterklega orðaður við brottför frá félaginu þessa dagana.
Icardi hefur ekki viljað skrifa undir nýjan samning á San Siro og var sviptur fyrirliðabandinu á dögunum.
Juventus er það lið sem er talið hafa mestan áhuga á Icardi sem hefur raðað inn mörkum á Ítalíu.
Steve Zhang, stjórnarformaður Inter, útilokar þó að Icardi muni ganga í raðir liðsins.
,,Í fótboltanum þá er aldrei hægt að útiloka Juventus en í þessu einstaka máli þá er enginn möguleiki á að Icardi fari þangað,“ sagði Zhang.
,,Við töluðum mikið saman í síðustu viku og við viljum kveðja þessa sögu. Við erum í viðræðum við Icardi.“
,,Hugmyndafræðin okkar er þó að hópurinn er stærri en einn leikmaður. Næsti sumargluggi verður betri en á síðustu leiktíð.“