Jurgen Klopp og félagar í Liverpool spila við Bayern Munchen á þriðjudaginn í 16-liða úrslitum Meistaradeildarinnar.
Uli Hoeness, forseti Bayern, vildi ráða Klopp til Bayern á sínum tíma er Ottmar Hitzfeld lét af störfum fyrir átta árum.
Klopp hafði stýrt liði Mainz við góðan orðstír áður en hann tók skrefið til Borussia Dortmund og síðar Liverpool.
Bayern var búið að ná samkomulagi við Klopp en ákvað á endanum að ráða frekar Jurgen Klinsmann.
,,Persónulega hef ég alltaf verið hrifinn af Jurgen Klopp,“ sagði Hoeness.
,,Fyrir mörgum árum þá samþykktum við að vinna saman en við enduðum á að velja Jurgen Klinsmann.“
,,Þar sýndi ég honum virðingu og hans vinnu. Þetta verður erfitt fyrir bæði lið en ég vona að við munum hafa betur.“