Arsene Wenger, fyrrum stjóri Arsenal greindi frá því í gær að hann hafi reynt að fá Jadon Sancho frá Manchester City til félagsins.

Sancho er 18 ára gamall en hann kaus að fara til Borussia Dortmund frá Manchester City.

Sancho er enskur landsliðsmaður en er frá London og vildi Wenger fá hann þangað.

,,Ég vildi taka hann frá City þegar hann var ekkert að spila þar,“ sagði Wenger í gær en Sancho er einn mest spennandi leikmaður í heimi í dag.

,,Ég reyndi að fá hann, af því að hann er frá London. Ég vildi fá hann til Arsenal, hann er einn besti leikmaðurinn af sinni kynslóð. Hann getur tekið menn á, hann er með smá hroka.“

,,Það er alltaf það sama í stórum leikmönnum, hann er með hroka, sjálfstraust og trú. Það verður að vera.“

Wenger hefur oft tjáð sig um leikmenn sem honum mistókst að fá til Arsenal, þar á meðal eru Zlatan Ibrahimovic, Cristiano Ronaldo og fleiri.