Paul Pogba, leikmaður Manchester United, hefur oft verið orðaður við endurkomu til Juventus á Ítalíu.
Þessi 25 ára gamli leikmaður yfirgaf Juventus árið 2016 og samdi aftur við uppeldisfélag sitt, United.
Juventus er reglulega sagt vera að skoða að fá Pogba aftur sem hefur ekki alltaf verið upp á sitt besta á Englandi.
Fabio Paratici, yfirmaður knattspyrnumála Juventus, viðurkennir að það yrði mjög erfitt að næla aftur í leikmanninn.
,,Mun Pogba snúa aftur til Juventus? Nei. Í fótboltanum þá veistu aldrei hvað gerist en það yrði mjög erfitt,“ sagði Paratici.