Jamie Carragher, fyrrum leikmaður Liverpool, er alls ekki hrifinn af því sem er í gangi hjá Chelsea þessa stundina.

Gengi Chelsea undanfarið hefur ekki gott og tapaði liðin 4-0 fyrir Bournemouth og 6-0 fyrir Manchester City í síðustu tveimur útileikjum.

Carragher gagnrýnir stjóra liðsins, Maurizio Sarri en hann heldur sig við sama leikstíl og kerfi þó hlutirnir gangi ekki upp.

,,Síðustu frammistöður þeirra á útivelli hafa verið ömurlegar. Það er ótrúlegt að sjá hversu lítil ákefð er í þeirra leik,“ sagði Carragher.

,,Það er talað um að Sarri vilji pressa hátt og vinna boltann aftur. Hann er ekki með leikmennina í það.“

,,Þeir eru með svo marga leikmenn yfir þrítugt. Chelsea þarf að spila fastar. Þeir létu Bournemouth líta út eins og Brasilíu.“