Paul Scholes, fyrrum leikmaður Manchester United, hefur verið ráðinn þjálfari Oldham á Englandi.
Þetta staðfesti félagið í dag en Scholes skrifar undir eins og hálfs árs samning við félagið.
Scholes var magnaður leikmaður á sínum tíma og spilaði yfir 700 leiki fyrir United í öllum keppnum.
Hann er að taka að sér sitt fyrsta þjálfarastarf eftir að hafa unnið sem sérfræðingur í sjónvarpi.
Oldham leikur í League Two á Englandi sem er fjórða efsta deildin þar í landi.
