Alexis Sanchez, leikmaður Manchester United, hefur skotið létt á Jose Mourinho, fyrrum stjóra liðsins.
Mourinho var rekinn frá United í desember en hann náði ekki því besta úr stjörnum á borð við Paul Pogba.
Sanchez segir að Pogba sé í mun betra standi í dag eftir að Ole Gunnar Solskjær tók við liðinu.
,,Paul Pogba er ennþá ungur en hann er frábær leikmaður sem verður að fá traust í þessu liði,“ sagði Sanchez.
,,Nú er hann mun stærri partur af liðinu og er að spila vel. Andrúmsloftið er frábært þessa stundina.“
