Paul Pogba, leikmaður Manchester United, er besti leikmaður ensku úrvalsdeildarinnar að mati Jamie Redknapp, fyrrum leikmanns Liverpool.
Redknapp ræddi við Louis Saha, fyrrum leikmann United, eftir 3-0 sigur United á Fulham í deildinni.
Saha talaði vel um Pogba í desember eftir að Ole Gunnar Solskjær hafði tekið við liðinu af Jose Mourinho.
Redknapp er nú tilbúinn að taka undir með Frakkanum en Pogba hefur þótt standa sig frábærlega undanfarið og gerði tvö mörk í gær.
,,Ég man eftir því að við sáum um leik saman þegar Ole var nýtekinn við og þú sagðir að Pogba væri einn besti leikmaður heims,“ sagði Redknapp.
,,Á þessum tíma þá taldi fólk að það væri aðeins of mikið. Ég tel þó að nú sé fólk að sjá besta leikmann deildarinnar og besta miðjumann heims um þessar mundir.“
,,Þegar þú horfir á Pogba þá sé ég bara leikmann sem elskar að spila þessa stundina. Hann nýtur þess að spila með þetta frelsi.“
