Gary Neville, fyrrum leikmaður Manchester United, hefur nefnt það atriði sem gæti haft stór áhrif á Liverpool í titilbaráttunni.
Liverpool er á toppi deildarinnar þessa stundina en liðið er þremur stigum á undan Manchester City.
Liðið vann Bournemouth í gær en gerði fyrir það jafntefli við Leicester og West Ham. Pressan er farin að hafa áhrif segir Neville.
,,Stuðningsmennirnir mega vera pirraðir og segja að Liverpool sé nú þegar að klúðra þessu og að pressan sé farin að hafa áhrif,“ sagði Neville.
,,Það er hins vegar spurning sem þeir þurfa að svara. Þegar þú hefur ekki unnið titilinn og ert að tapa stigum þá færðu spurningar um pressu.“
,,Þegar þú vinnur einn eða tvo titla þá færðu spurningu um hvort sjálfstraustið gæti verið of hátt. Það virkar þannig.“
,,Þetta er sanngjörn spurning. Liverpool var ólíklegri aðilinn um jólin en þeir komust í gegnum janúar. Nú er þetta alvara fyrir þá og þú sérð að það hefur áhrif.“