Manchester United hefur verið á mikilli uppleið undanfarið eftir komu Ole Gunnar Solskjær.
Solskjær tók við liði United í desember en hann tók við keflinu af Jose Mourinho sem var rekinn.
United er taplaust í 11 leikjum í röð undir Solskjær og af þessum 11 þá hefur liðið unnið tíu.
Liðið vann 3-0 sigur á Fulham í ensku úrvalsdeildinni í gær og er nú í fjórða sæti deildarinnar.
Rio Ferdinand, fyrrum leikmaður United, elskar að horfa á United spila í dag og er mjög hrifinn.
,,Við höfum fengið okkar UNITED AFTUR,“ skrifaði Ferdinand á Twitter í gær en hann var himinlifandi með frammistöðu liðsins.
United þótti spila leiðinlegan og hægan bolta undir Mourinho en spilamennskan er allt önnur undir Solskjær.
We got our UNITED BACK ❤️⚽️ @ManUtd
— Rio Ferdinand (@rioferdy5) 9 February 2019