David De Gea, einn besti markvörður í heimi ætlar ekki að gefa neitt eftir í kröfum sínum. Manchester United reynir að framlengja samning hans.
De Gea verður samningslaus eftir um 18 mánuði og vill United halda honum.
Ensk blöð segja að De Gea fari fram á 350 þúsund pund í laun á viku, hann vill fá ríflega launahækkun.
Alexis Sanchez er launahæsti leikmaður félagsins með nálægt 400 þúsund pundum á viku og vill De Gea komast nálægt þeirri tölu.
United hefur hingað til ekki viljað gangast að þeim kröfum De Gea en félagið býst þó við að ná samkomulagi við hann.