Alfreð Finnbogason var á sínum stað í byrjunarliði Augsburg er liðið heimsótti Werder Bremen í þýsku úrvalsdeildinni.
Alfreð skoraði þrennu um síðustu helgi í góðum sigri Augsburg en liðið fékk heldur betur skell í dag.
Werder Bremen sem er áfram án Arons Jóhannssonar, vann öruggan 4-0 sigur. Aron hefur ekkert verið með á þessu tímabili en meiðsli hafa herjað á kappann.
Alfreð var tekinn af velli um miðjan síðari hálfleik en hann virtist fara meiddur af velli.
Augsburg er með 18 stig í deildinni, þremur stigum frá fallsætunum.
Svo virðist vera að Alfreð Finnbogason hafi meiðst með liði sínu Augsburg sem tapaði 4-0 fyrir Werder Bremen í þýsku Bundesligunni í dag. Alfreð var tekinn af velli á 68. mínútu leiksins, en við skulum vona að meiðslin séu ekki alvarleg. pic.twitter.com/4iQJdsY6LD
— Íslendingavaktin (@Islendingavakt) February 10, 2019