Thibaut Courtois, leikmaður Real Madrid, mætti sínum gömlu félögum í Atletico Madrid í dag.

Courtois og félagar í Real unnu góðan 3-1 sigur á útivelli en hann lék áður með grönnunum í rauðu.

Courtois spilaði með Atletico frá 2011 til 2014 en hann var þá í láni hjá félaginu frá Chelsea.

Hann ákvað svo að semja við granna Atletico í Real síðasta sumar og horfa margir á það sem svik.

Stuðningsmenn Atletico buðu Courtois velkominn með leikfangarottum í dag og fékk hann mörg ljót skilaboð.

Það er óhætt að segja að hann sé ekki vinsæll hjá sínu fyrrum félagi og er oft líkt við snák eða rottu.