Edinson Cavani, leikmaður Paris Saint-Germain, meiddist í dag er liðið mætti Bordeaux.
Cavani byrjaði leikinn fyrir PSG í dag og skoraði eina mark leiksins úr vítaspyrnu í 1-0 sigri.
Hann þurfti þó að fara af velli snemma í síðari hálfleik og tók Kylian Mbappe hans stöðu í framlínunni.
Það gætu verið hræðilegar fréttir fyrir PSG en liðið mætir Manchester United í 16-liða úrslitum Meistaradeildarinnar í næstu viku.
Cavani hefur fjóra daga til að jafna sig af meiðslunum en leikurinn fer fram á þriðjudag.
Neymar, einn allra mikilvægasti leikmaður PSG, verður ekki með í leiknum vegna meiðsla.