Lið Real Madrid vann gríðarlega sterkan sigur í dag er liðið heimsótti granna sína í Atletico Madrid.
Það var gríðarlegur hiti á Wanda Metropolitano vellinum er Real vann 3-1 útisigur.
Casemiro kom gestunum yfir á 16. mínútu áður en Antoine Griezmann jafnaði metin fyrir heimamenn.
Sergio Ramos skoraði svo annað mark Real á 42. mínútu leiksins en hans mark kom úr vítaspyrnu.
Gareth Bale gerði svo út um leikinn fyrir Real á 74. mínútu leiksins eftir að hafa komið inná sem varamaður.
Hitinn var mikill en alls fengu tíu leikmenn gult spjald í leiknum og Thomas Partey sá rautt hjá Atletico á 80. mínútu.
