Víking Stavaner hefur fengið Samúel Kára Friðjónsson á láni frá Vålerenga út þetta árið.
Samúel Kári er 22 ára gamall en hann var ekki í plönum Vålerenga fyrir komamndi leiktíð.
Samúel ólst upp í Keflavík en hann var í HM hópi Íslands í Rússlandi í sumar.
Hann lék 17 leiki í efstu deild Noregs. ,,Viking er stórt félag, ég er spenntur að spila hérna,“ sagði Samúel Kári.
,,Verkefnið sem félagið fór í á síðasta ári er spennandi, ég er spenntur að vera hluti af þessu.“
Samúel Kári getur spilað allar stöður á miðsvæðinu, auk þess að geta verið hægri bakvörður.