Marc-Andre ter Stegen, markvörður Barcelona, segir að félagið hafi gert rétt með að refsa vængmanninum Ousmane Dembele.

Dembele var sektaður um háa upphæð fyrr á tímabilinu eftir að hafa mætt alltof seint á æfingu og ekki í fyrsta skiptið.

Ter Stegen segir að Barcelona verði að taka svona á málinu og vonar að Dembele læri af þessu.

,,Félagið tók rétt á þessu máli. Ous er ennþá ungur og mun læra af þessu,“ sagði Ter Stegen.

,,Ég verð að segja það að það eru ekki allir knattspyrnumenn sem eru eins, annars væri þetta leiðinlegt.“

,,Hann er hæfileikaríkur leikmaður sem mun hjálpa okkur. Hann er ekki flókinn náungi og er í góðu lagi.“