Andreas Christensen, leikmaður Chelsea, var ekki vinsæll hjá Maurizio Sarri, stjóra liðsins, um helgina.
Christensen var á bekknum hjá Chelsea í 2-0 tapi gegn Arsenal en mætti of seint til leiks í seinni hálfleik.
Sarri var óánægður með Christensen en hann var lengi á klósettinu og kom því seint úr leikmannagöngunum.
Christensen hefur ekki verið inni í myndinni hjá Sarri og fær lítið að spila þessa dagana.
Ítalinn var spurður út í Christensen í dag og telur að hann sé ávallt verulega stressaður.
,,Á leikdegi þá er honum alltaf illt í maganum. Ég held að hann sé svo stressaður. Ég veit ekki hvað ég á að segja,“ sagði Sarri.