Chelsea á Englandi reynir þessa stundina að losa sig við fyrrum Englandsmeistarann Danny Drinkwater.
Drinkwater hefur verið hjá Chelsea undanfarin tvö ár en hann kom til félagsins frá Leicester árið 2017.
Hann vann ensku úrvalsdeildina með Leicester og kostaði Chelsea heilar 35 milljónir punda.
Maurizio Sarri hefur engan áhuga á að nota Drinkwater sem fær 100 þúsund pund á viku hjá félaginu.
Það er að reynast algjör martröð fyrir Chelsea að losna við leikmanninn en ekkert félag hefur lagt fram tilboð.
Drinkwater hefur aðeins spilað 30 mínútu á tímabilinu og var það fyrir fimm mánuðum í leiknum um Samfélagsskjöldinn.