Liverpool á Englandi er að íhuga að reyna við hinn efnilega Callum Hudson-Odoi sem spilar með Chelsea.
Enskir miðlar greina frá þessu í dag en Hudson-Odoi er sagður vilja komast burt frá Chelsea.
Hann fær takmarkaðan spilatíma á Stamford Bridge og er Bayern Munchen að vinna í því að fá hann.
Chelsea var tilbúið að bjóða leikmanninum 85 þúsund pund á viku ef hann gerði nýjan samning en áhuginn var ekki til staðar.
Hudson-Odoi er aðeins 18 ára gamall og gæti farið sömu leið og Dom Solanke sem fór einnig til Liverpool frá Chelsea.
