Chelsea hefur fengið til sín framherjann Gonzalo Higuain en þetta var staðfest nú rétt í þessu.
Þessi félagaskipti hafa legið í loftinu í langan tíma en Chelsea hefur reynt við Higuain allan janúar.
Maurizio Sarri þekkir leikmanninn mjög vel en þeir unnu saman hjá Napoli þar sem vel gekk.
Higuain skrifar undir lánssamning við Chelsea og getur félagið svo keypt hann næsta sumar.
Það er óhætt að segja að Higuain kunni að skora sem eru frábærar fréttir fyrir Chelsea sem vantar mann með markanef.
Aðeins fimm leikmenn hafa skorað meira en Higuain frá árinu 2006. Hann hefur gert 224 síðan þá.
