Veðbankar í Englandi hafa lækkað stuðulinn á að Jamie Vardy sé að fara til Chelsea hratt, á síðustu klukkustundum.
Mikið af veðmálum þess efnis hafa komið á borð veðbanka í morgun. Eitthvað virðist því vera í gangi.
Vardy er ekkert alltof sáttur með Claude Puel, stjóra Leicester og leikstíl hans. Hann nær ekki sama flugi og áður.
Chelsea vill versla sér framherja og er Gonzalo Higuain að koma á láni frá Juventus. Vardy gæti komið í kjölfarið.
Chelsea er að losa sig við Alvaro Morata til Atletico Madrid en Maurizio Sarri er ekki sáttur með hann og hefur ekki heldur trú á Olivier GIroud.
Vardy er 32 ára gamall en hann hefur skorað sjö mörk í tuttugu leikjum á þessu tímabili.
