Bournemouth hefur fest kaup á varnarmanninum Chris Mepham en þetta var staðfest í dag.
Um er að ræða 21 árs gamlan welskan landsliðsmann sem hefur undanfarin ár leikið með Brentford.
Mepham stóð sig virkilega vel hjá Brentford á tímabilinu og borgar Bournemouth 12 milljónir punda fyrir hans þjónustu.
Mepham er uppalinn hjá Chelsea og var hjá félaginu sem krakki en var látinn fara árið 2012.
Hann hefur síðan þá leikið með Brentford og lék sinn fyrsta landsleik fyrir Wales í fyrra.