Gary Neville, fyrrum leikmaður Manchester United, telur að Maurizio Sarri, stjóri Chelsea, viti það að hann verði rekinn áður en of langt er liðið.
Sarri vakti athygli um helgina er hann hraunaði yfir eigin leikmenn eftir 2-0 tap gegn Arsenal.
Chelsea er mikið fyrir það að skipta um stjóra en eigandi félagsins, Roman Abramovich, hefur ekki mikla þolinmæði.
Neville segir að Sarri viti það sjálfur að hann verði ekki of lengi á Stamford Bridge.
,,Sarri veit það að hann verður rekinn á næstu 18 mánuðunum eða á næstu tveimur árum. Þú kemst ekki framhjá því hjá Chelsea,“ sagði Neville.
,,Hann getur þess vegna sagt hlutina eins og hann sér þá á fyrstu sex mánuðunum þegar hann er með smá stjórn.“