Matthías Vilhjálmsson hefur yfirgefið Rosenborg og samið við Vålerenga í norsku úrvalsdeildinni.
Matthías meiddist alvarlega á síðustu leiktíð en er að komast aftur á flug.
Vålerenga er þriðja lið hans í Noregi en hann kom fyrst til Start áður en hann fór til Rosenborg þar sem hann varð norskur meistari.
Matthías skrifar undir tveggja og hálfs árs samning við Vålerenga en hann átti aðeins eitt ár eftir af samningi sínum við Rosenborg.
Matthías er 31 árs gamall en hann var frábær hjá FH áður en hann fékk tækifæri í atvinnumennsku.
Búist er við Matthías verði í stóru hlutverki hjá Vålerenga en Viðar Örn Kjartansson gerði garðin frægan hjá félaginu árið 2014 þegar hann raðaði inn mörkum.