Aboubakar Kamara, leikmaður Fulham, er á förum frá félaginu en frá þessu er greint í kvöld.
Kamara gekk í raðir Fulham frá Amiens í Frakklandi árið 2017 og var frábær er liðið komst upp í ensku úrvalsdeildina í fyrra.
Það hefur hins vegar ekki gengið eins og í sögu á þessu tímabili og þá sérstaklega undir Claudio Ranieri.
Ranieri brjálaðist út í Kamara á síðasta ári er hann heimtaði að fá að taka vítaspyrnu og tók boltann af skyttu liðsins, Aleksandar Mitrovic.
Nú er Kamara að semja við lið Yeni Malatyaspor í Tyrklandi á láni út þessa leiktíð.