Davíð Kristján Ólafsson, vinstri bakvörður Breðabliks hélt til Noregs í gær. Hann mun dvelja hjá Álasund í viku á reynslu.
Davíð sem lék sinn fyrsta landsleik í síðustu vikur er Ísland gerði jafntefli við Eistland, hefur stimplað sig vel inn í Pepsi deildina síðustu ár.
Davíð var lykilmaður í liði Blika sem endaði í öðru sæti Pepsi deildarinnar á síðustu leiktíð. Daníel Leó Grétarsson, Aron Elís Þrándarson og Hólmbert Aron Friðjónsson leika með félaginu.
Liðið var nálægt því að fara upp í norsku úrvalsdeildina á síðustu leiktíð en Hólmbert og Aron Elís vilja fara frá félaginu.
Álasund hefur fylgst með Davíð síðustu ár og hafa áhuga á að skoða hann betur.