Gary Neville, fyrrum leikmaður Manchester United, gagnrýndi Jose Mourinho, fyrrum stjóra liðsins, á dögunum.
Neville segir að Mourinho hafi komið til United og breytt hugmyndafræði liðsins sem ætti að vera stranglega bannað.
Neville sagði enn fremur að nýr stjóri United þyrfti að halda í þá hugmyndafræði sem hefur lengi verið hjá félaginu.
Mourinho var rekinn frá United eftir slæmt gengi í desember og hefur gengi liðsins batnað verulega síðan þá.
Portúgalinn hefur starfað fyrir beIN Sports síðustu daga sem sérfræðingur og tókst að svara Neville með fimm orðum.
,,Hann þekkir ekki mína hugmyndafræði,“ sagði Mourinho er hann var spurður út í ummæli Neville.
