Jose Mourinho er án félags þessa stundina en hann var rekinn frá Manchester United í desember.
Hann hefur undanfarið starfað sem sérfræðingur hjá beIN Sports og hefur rætt ýmsa hluti í sjónvarpinu.
Mourinho ætlar þó auðvitað að snúa aftur í þjálfarastarfið en hefur nú þegar hafnað þremur liðum.
,,Í fyrsta lagi er ég ánægður með þessar þrjár vikur [vinnandi sem sérfræðingur]“ sagði Mourinho.
,,Þetta er góð reynsla. Ég mun upplifa hluti sem ég vanalega fæ ekki að upplifa.“
,,Ég þekki mig og ég veit að í lok mars þá verð ég í basli með hamingjuna. Ég veit hvernig ég virka.“
,,Ég mun skoða hlutina. Ég vil ekki tala of mikið um þetta en ég hef nú þegar hafnað þremur tilboðum.“
,,Mér leið ekki eins og það væri eitthvað sem ég vildi. Ég mun vera rólegur þegar kemur að þessum málum.“