Sverrir Ingi Ingason, leikmaður Rostov í Rússlandi, gæti verið að færa sig yfir í nýtt félag.

Sverrir hefur undanfarin tvö ár leikið með Rostov en hann samdi við félagið frá Granada árið 2017.

Samkvæmt fjölmiðlum í Grikklandi þá er PAOK að reyna að kaupa íslenska landsliðsmanninn.

PAOK er besta lið Grikklands í dag en liðið er á toppi deildarinnar með átta stiga forskot.

Liðið lék í Evrópudeildinni á þessu tímabili og spilaði á meðal annars gegn stórliði Chelsea.

Sverrir er 25 ára gamall hafsent en hann á að baki 26 landsleiki fyrir Ísland og hefur gert þrjú mörk.