Það er útlit fyrir það að Hector Bellerin, leikmaður Arsenal, verði lengi frá vegna meiðsla.
Bellerin átti góðan leik fyrir Arsenal í kvöld er liðið mætti Chelsea í ensku úrvalsdeildinni.
Bellerin meiddist þó í síðari hálfleik í stöðunni 2-0 og þurfti að bera hann af velli.
Allar líkur eru á því að Bellerin hafi slitið krossband í hné og mun því líklega ekki leika meira á þessu tímabili.
Það er mikið áfall fyrir Arsenal en margir varnarmenn liðsins hafa verið meiddir á leiktíðinni.