Manchester City ræddi við John Terry um að ganga í raðir félagsins árið 2009.
Þetta segir Garry Cook, fyrrum stjórnarformaður City en óvíst var á þeim tíma hvort Terry myndi skrifa undir nýjan samning á Stamford Bridge.
Cook segir að City hafi haft mikinn áhuga á Terry en það kom í raun aldrei til greina hjá honum að yfirgefa Chelsea.
,,Við fórum í gegnum það ferli að kaupa Terry. Peter Kenyon var þarna á þessum tíma og við ræddum við hann,“ sagði Cook.
,,Við sögðum að við hefðum áhuga og vildum spjalla saman. Ég held að hann hafi verið viss um að Terry væri ekki að fara neitt.“
,,Við spjölluðum við John og hann ákvað að vera um kyrrt þar sem hann var og það réttilega. Það var aldrei neitt sem átti bara eftir að skrifa undir.“
Talið er að Terry hafi aðeins notað City til að fá betri samning hjá Chelsea sem gekk svo upp að lokum.