Mauricio Pochettino, stjóri Tottenham, hefur tjáð sig um njósnamálið viðkvæma sem kom upp í síðustu viku.

Marcelo Bielsa, stjóri Leeds, hefur viðurkennt það að hann hafi sent njósnara á æfingasvæði allra liða í ensku Championship-deildinni.

Það er ekki ólöglegt en það þykir vera óíþróttamannslegt og þá sérstaklega á Englandi.

Pochettino vann undir Bielsa sem leikmaður en getur ekki verið sammála því sem hann gerði.

,,Þessi staða gerir mig svolítið sorgmæddan. Það er mikilvægt fyrir mig að horfa framhjá sérstöku sambandi mínu við hann og ræða það sem gerðist fyrir viku,“ sagði Pochettino.

,,Ég mun alltaf elska hann. Hann er persóna sem var svo mikilvægur fyrir mig, til að byggja upp minn feril.“

,,Ég get hins vegar ekki verið sammála þessu. Þetta er rangt að mínu mati og ég get skilið tilfinningar Frank Lampard. Það er ekki erfitt að útskýra þetta.“