Jurgen Klopp, stjóri Liverpool er viss um það að vængmaðurinn Alex Oxlade-Chamberlain muni spila á þessu tímabili.
Oxlade-Chamberlain hefur ekkert spilað á tímabilinu en hann meiddist illa á síðasta ári.
Hann er þó að jafna sig af þeim meiðslum og miðað við orð Klopp er útlit fyrir að hann spili áður en tímabilinu lýkur.
,,Þegar ég sé hann hlaupa eða vinna með boltann þá lítur þetta vel út, hann er nær því að snúa aftur,“ sagði Klopp.
,,Hann hefur verið svo lengi frá en það eru engin vandamál og engar bólgur. Hann getur unnið í forminu. Ég held að við munum sjá hann á þessu tímabili.“