Olivier Giroud yfirgaf lið Arsenal í janúar á síðasta ári og skrifaði undir samning við Chelsea.
Hann hefur nú tjáð sig um af hverju hann ákvað að taka skrefið til Chelsea sem kom mörgum á óvart.
Giroud segir að það hafi verið vegna Arsene Wenger, stjóra Arsenal á þeim tíma en hann hentaði ekki lengur leikstíl liðsins.
,,Ég þurfti að yfirgefa Arsenal því Arsene Wenger vildi nota öðruvísi framherja,“ sagði Giroud.
,,Tíminn minn hjá Arsenal var búinn og ég varð mjög ánægður eftir að hafa samið við stórt lið eins og Chelsea.“
,,Ég kom mér vel fyrir. Það er eins og ég hafi verið partur af þessu liði í langan tíma. Mér leið vel og náði vel saman við aðra leikmenn.“