Stórlið Chelsea er þekkt fyrir það að selja marga unga leikmenn áður en þeir fá alvöru tækifæri hjá félaginu.

Nefna má leikmenn á borð við Mohamed Salah, Kevin de Bruyne og Romelu Lukaku.

Þessir leikmenn voru allir á mála hjá Chelsea en leituðu annað því þeir fengu lítið að spila.

Í dag eru þessir þrír að spila fyrir stórlið í ensku úrvalsdeildinni og kostuðu risaupphæð er þeir voru keyptir.

Það er athyglisvert að skoða það byrjunarlið sem Chelsea hefði getað stillt upp þar sem leikmenn kostuðu aðeins rétt yfir 40 milljónir punda.

Declan Rice, leikmaður West Ham er einnig á miðjunni en hann var látinn fara sem unglingur.

Andreas Christensen, Callum Hudson-Odoi og Ruben Loftus-Cheek eru einnig í liðinu en þeir eru enn hjá félaginu í dag en fá takmarkað að spila.