Andy Cole, fyrrum leikmaður Manchester United, veit hvað er að hjá framherjanum Romelu Lukaku.

Lukaku á ekki fast sæti í liði United þessa dagana eftir komu Ole Gunnar Solskjær en hann tók við liðinu í desember.

Fyrir það skoraði Lukaku lítið undir stjórn Jose Mourinho og veit Cole af hverju.

,,Romelu þarf að finna formið á ný. Hann hefur komið af bekknum og skorað tvö í tveinur leikjum en þetta snýst allt um sjálfstraust,“ sagði Cole.

,,Ég horfði á hann á tímabilinu undir Jose Mourinho og sem fyrrum framherji þá gat ég séð að hann var að spila með lítið sjálfstraust.“

,,Það fyrsta sem fer úrskeiðis er hreyfinginn. Romelu var ekki að hreyfa sig. Þú hættir að taka hlaup því þú hættir að trúa á sjálfan þig.“

,,Ég hef verið í þessari stöðu og hann bendir með höndunum hvert hann vill að boltinn fara en samt sem áður viltu í raun ekki fá boltann.“