Samkvæmt Gianluca Di Marzio, einum öflugasta blaðamanni Ítalíu er Bologna að nálgast kaup á Andra Fannari Baldurssyni, leikmanni Breiðabliks.

Andri er mikið efni en hann er fæddur árið 2002 og er því aðeins 17 ára gamall.

Andri Fannar spilaði sinn fyrsta leik í Pepsi deildinni í fyrra þegar hann kom inná í 4-0 sigri gegn KA.

Breiðablik er þekkt fyrir það að framleiða unga og efnilega knattspyrnumenn og fara margir af þeim í atvinnumennsku

Andri fór til reynslu hjá Bologna á dögunum en SPAL á Ítalíu hefur einnig haft áhuga á að kaupa Andra frá Breiðabliki.

Blikar seldur Svein Aron Guðjohnsen til Ítalíu síðasta sumar en hann gekk í raðir Spezia en félagið vill einnig kaupa Willum Þór Willumsson frá Blikum.