Þeir Patrick Vieira og Thierry Henry hittust á ný í kvöld er leikur Monaco og Nice fór fram í Frakklandi.
Vieira og Henry voru frábærir leikmenn á sínum tíma og voru saman hjá Arsenal er liðið var upp á sitt besta.
Henry er þjálfari Monaco í dag en Vieira er stjóri Nice. Leikur kvöldsins fór fram á heimavelli Monaco.
Eftir að hafa komist yfir á 30. mínútu missti Nice mann af velli undir lok fyrri hálfleiks með rautt spjald.
Monaco jafnaði metin snemma í síðari hálfleik áður en Allan Saint-Maximin fékk gullið tækifæri til að skora annað mark Nice úr vítaspyrnu.
Saint-Maximin klikkaði þó á vítapunktinum og lokastaðan í Monaco 1-1 jafntefli.
Monaco situr í næst neðsta sæti deildarinnar, þremur stigum frá öruggu sæti en Nice er í áttunda sætinu.