Petr Cech, markvörður Arsenal, gaf það út í gær að hann væri að leggja skóna á hilluna.
Cech er 36 ára gamall í dag en hann hefur lengi verið markvörður á Englandi fyrir bæði Chelsea og Arsenal.
Cech er þekktastur fyrir tíma sinn hjá Chelsea en hann vann ófáa titla og var einn besti markmaður Evrópu.
Hann lék með liðinu í 11 ár og nú er útlit fyrir að félagið ætli að bjóða honum að snúa aftur.
Cech mun leggja hanskana á hilluna eftir tímabilið og verður þá með starfstilboð frá Chelsea.
Enskir miðlar gefa ekki upp hvaða starf Cech mun taka að sér en nokkur koma til greina.