Petr Cech, markvörður Arsenal, gaf það út í dag að hann væri að hætta í fótbolta.
Cech mun leggja hanskana á hilluna í lok tímabils en hann er varamarkvörður Arsenal þessa stundina.
Bob Wilson, goðsögn Arsenal, trúir því ekki að Tékkinn sé að hætta 36 ára gamall.
,,Ég er algjörlega í sjokki. Fyrir þremur vikum fór ég á æfingasvæðið og hitti Bernd Leno og Petr,“ sagði Wilson.
,,Ég horfði á þá æfa og var mjög hrifinn. Það var ekki hægt að sjá mun á honum og Leno, viðbrögðin voru alveg í lagi.“
,,Á þessum aldri, þetta kemur mér verulega á óvart. Petr Cech er enn með gæðin til að spila í hæsta gæðaflokki.“