Það fór fram stórleikur í ensku úrvalsdeildinni um helgina er Manchester United heimsótti Tottenham á Wembley.
Það var boðið upp á ansi skemmtilegan leik í London en United hafði að lokum betur með einu marki gegn engu.
Eins og búast mátti við þá voru mikil læti í stukunni en 3,000 stuðningsmenn United gerðu sér leið á leikinn.
Nokkrir af þeim fengu sér sæti á meðal stuðningsmanna Tottenham en það var aðallega gert til að búa til vandræði.
Ensk blöð greina frá því í kvöld að 30 stuðningsmenn United hafi verið reknir af Wembley fyrir að reyna að stofna til rifrilda og slagsmála.
Þessir stuðningsmenn fengu sér sæti á meðal heimamanna og þurftu öryggisverðir að vísa þeim burt á meðan leik stóð.
Í gær var greint frá því að Heung-Min Son, leikmaður Tottenham, hafi orðið fyrir kynþáttaníði af hálfu stuðningsmanna Tottenham.
Nú er verið að rannsaka hvort það hafi í raun verið stuðningsmenn gestanna sem kölluðu Son illum nöfnum frekar en heimamenn.
