Yohan Cabaye hefur yfirgefið lið Al-Nasr í Sameinuðu arabísku furstadæmunum en þetta var staðfest í dag.
Cabaye er leikmaður sem flestir kannast við en hann lék lengi á Englandi með Newcastle og Crystal Palace.
Hann yfirgaf Palace eftir þrjú ár í fyrra og ákvað að elta peningana hjá Al-Nasr. Hann gerði tveggja ára samning.
Cabaye spilaði aðeins 13 leiki fyrir Al-Nasr og var svo látinn fara eftir aðeins sex mánuði hjá félaginu.
Frakkinn er 33 ára gamall í dag og má nú semja við nýtt lið á frjálsri sölu. Hann er orðaður við endurkomu til Englands.