Neymar, leikmaður Paris Saint-Germain, er sterklega orðaður við brottför frá félaginu þessa dagana.
Neymar er sagður vilja komast aftur til Spánar en hann lék mjög vel með Barcelona þar í landi.
Talað er um að Neymar sjái eftir því að hafa farið til Frakklands og sakni þess að spila fyrir spænska stórliðið.
Faðir Neymar, Neymar eldri, er einnig umboðsmaður leikmannsins og rakst á frétt Globo Esporte í gær.
Þar er talað um að Neymar vilji snúa aftur til Spánar og að fjölskylda hans sé svekkt með skiptin til PSG.
,,Fake News,“ skrifaði faðir leikmannsins á Instagram og gefur þar með til kynna að það sé ekkert til í þessu slúðri.
