Jurgen Klopp, stjóri Liverpool, á að forðast það að nota hinn unga Ki-Jana Hoever gegn Brighton á morgun.

Hoever er aðeins 16 ára gamall en kom inná í hafsent er liðið tapaði gegn Wolves í enska bikarnum á mánudag.

Mark Lawrenson, fyrrum leikmaður liðsins, vonar innilega að Klopp forðist það að nota Hoever gegn Brighton þrátt fyrir vesen í öftustu línu.

,,Það eru vandamál hjá Liverpool í öftustu línu þar sem Dejan Lovren og Joel Matip eru meiddir og ég býst við að Fabinho spili þar,“ sagði Lawrenson.

,,Ég get ekki séð hvað annað Jurgen Klopp gerir. Ki-Jana Hoever stóð sig vel þegar hann kom inná gegn Wolves.“

,,Þú vilt hins vegar ekki hleypa 16 ára gömlum strák í djúpu laugina því hann þyrfti að glíma við Glenn Murray.“

,,Ég veit að Brighton er ekki sókndjarfasta lið í heimi og Liverpool var í engum vandræðum á síðustu leiktíð en Murray gegn krakka? Nei hann hefur of mikla reynslu.“