Virgil van Dijk var í dag valinn leikmaður mánaðarins á Englandi en hann stóð sig frábærlega í desember.
Van Dijk hefur verið hjá Liverpool í tæplega eitt ár og hefur komið afar sterkur inn í hjarta varnarinnar.
Það sem vekur athygli er að Van Dijk er fyrsti varnarmaðurinn í sex ár til að vinna þessi verðlaun.
Jan Vertonghen er síðasti varnarmaðurinn sem var valinn leikmaður mánaðarins í úrvalsdeildinni árið 2013.
Á tíu árum hafa aðeins fimm varnarmenn fengið verðlaunin en Van Dijk er sá fimmti.
Síðan 2009 hafa aðeins þeir Nemanja Vidic, Phil Jagielka, David Luiz, Vertonghen og nú Van Dijk fengið verðlaunin.